Այս ֆիլմը հորս նմանների համար եմ նկարահանել. Ֆաթիհ Աքընը՝ ազգայնամոլ հոր մասին

Հայոց ցեղասպանության մասին «Հատումը» անունով ֆիլմը նկարահանած` թուրքական ծագումով գերմանացի ռեժիսոր Ֆաթիհ Աքընի հայրը՝ Էնվեր Աքընը, ով «Ազգային շարժում» (ազգայնամոլների շարժում) կուսակցության անդամ է, իր կարծիքն է հայտնել ֆիլմի մասին: Այս մասին հայտնում է T24-ը:

«Ֆիլմը հավանեցի, սակայն ֆիլմում թուրքերին որպես ցեղասպան ներկայացնելը սխալ է: Ֆիլմում ցեղասպան և բռնաբարող անձինք ծառայությունից խուսափողներն ու փախստականներն են: Այնտեղ համակարգված կոտորած չի եղել»,- ասել է ռեժիսորի հայրը:

Նշելով, որ իր համար կարևոր է եղել հոր հավանությունը, թուրք ռեժիսորն ասել է. «Ես այս ֆիլմը հորս նմանների համար եմ նկարահանել: Իմ նպատակը այն էր, որ իրենք ֆիլմում ներկայացված անմեղ զոհերի հետ իրենց նույնականացնեն: Հայրս դա արեց, ինչի համար ուրախ եմ»: