Չէի ուզում, չէի գալիս. Մհեր Սեդրակյան

Մեկնարկել է ԱԺ հերթական քառօրյան: Երկարատև ընդմիջումից հետո այսօր խորհրդարան էր եկել ՀՀԿ-ական պատգամավոր Մհեր Սեդրակյանը: Լրագրողները փորձեցին պարզել, թե ի՞նչն էր նրա` խորհրդարան չգալու պատճառը: Պատգամավորը պատասխանեց. «Չէի ուզում, չէի գալիս»:

Դիտարկմանը` չէ՞ որ Դուք այստեղ աշխատում եք, Սեդրակյանը պատասխանեց. «Հարցեր կան, որոնք ձեզ չեն վերաբերում, իմ հետ կապված են, և ես ձեզ չեմ ասում` ձեր ի՞նչ գործն ա, երևի պատճառ կար»:

Հարցին էլ, թե տեղեկություն կա, որ որդուն ուզում է պատգամավոր դարձնել, արձագանքեց. «Նման բան դեռ չկա մտածված»:

Հարցին՝ Ձեր չգալը պայմանավորված է նրանով, որ կառավարությո՞ւն է փոխվել, Սեդրակյանը պատասխանեց. «Ինձ համար կապ չունի, թե ինչ կփոխվի, ես ինքս ինձ գիտեմ և բոլորին ընդունում եմ այնպես, ինչպես իրանք կան»:

Պատգամավորը հերքեց, որ իր տունը խուզարկել են: «Մեր տունը ոչ մեկ էլ չի խուզարկել»,- ասաց նա: