Սեյրան Օհանյանը խոսել է երեկ ինքնասպանություն գործած զինվորի մասին

ԱԺ-ում ընթանում են խորհրդարանական լսումներ` «Մարդու իրավունքները` զինված ուժերում» թեմայով:

Քննարկման ժամանակ պաշտպանության նախարար Սեյրան Օհանյանն անդրադարձել է երեկ Չինարիի զորամասում զինվորի ինքնասպանության դեպքին: Նրա խոսքով` եթե միջանձնային վիճաբանությանը տեղյակ զինծառայողները ժամանակին հրամանատարին զեկուցեին, ապա կարելի էր դեպքը կանխել:

«Միջանձնային հարաբերությունների խախտման արդյունքում ծագած վեճի եւ այնուհետեւ հաշվեհարդար տեսնելու միտումներ կան առայժմ: Իրավապահ մարմինները աշխատում են, ընթացքում ամեն ինչ կբացահայտվի, եւ մենք հասարկությանը կտեղեկացնենք»,- ասաց Սեյրան Օհանյանը:

Հիշեցնենք, որ երեկ Տավուշի մարզի Բերդի տարածաշրջանի սահմանամերձ Չինարի գյուղում ժամկետային զինծառայող Վանիչկա Հովակիմյանին գտել են մահացած: Մինչ այդ նա նամակ էր ուղարկել հորը` տեղեկացնելով, որ ինքնասպանություն է գործելու: