ՄԻԵԴ-ը պարտադրել է Թուրքիային 20 հազ. դոլար փոխհատուցում վճարել ինքնասպանություն գործած զինվորականի համար

Թուրքիան պարտվել է Մարդու իրավունքների եվրոպական դատարանում (ՄԻԵԴ) ավագ սերժանտ Ահմեդ Դողանի ինքնասպանության գործով դատը. տեղեկացնում է Ermeniahaber-ը:

Դատարանը վճռել է, որ 2003 թվականի նոյեմբերի 12-ին Թուրքիայի Բիլեջիքի Ժանդարմերիայի ուսումնական գումարտակում ավագ սերժանտին դրդել են ինքնասպանություն գործել:

Ըստ դատարանին ներկայացված փաստարկների՝ ինքնասպանությունից մոտ մեկ ամիս առաջ`  հոկտեմբերի 9-ին, սերժանտը եղել է հոգեկան ծանր վիճակում: Նա ծառայության ընթացքում խնդիրներ է ունեցել լեյտենանտ Ի. Ա.-ի հետ,  և նա էլ հենց Դողանին դրդել է ինքնասպանության: Վճռում մասնավորապես շեշտվել է, որ Դողանը ծառայությունն անցկացրել է ծանր պայմաններում, ինչն էլ նրան կարող էր ինքնասպանության դրդել:

Նշենք, որ ավելի վաղ Ահմեդ Դողանի կինը՝ Յասեմին Դողանը, դիմել է թուրքական դատարան և փախհատուցման հայց ներկայացրել: Սակայն թուրքական դատարանը մերժել է նրա հայցը, ինչից հետո կինը դատը տեղափոխել է ՄԻԵԴ:

ՄԻԵԴ-ը շուրջ 13 տարի տևած դատավարության արդյունքում վճռել է Թուրքիային դատապարտել 20 հազար եվրո փոխհատուցման: