Ես մենակ կուզեմ ասեմ, որ շատ կուզենայի տեսնել Պուտինին. ԲՀԿ-ական պատգամավոր

ԲՀԿ խոսնակ, ԱԺ ԲՀԿ խմբակցության պատգամավոր Տիգրան Ուրիխանյանը Վլադիմիր Պուտինի` Հայաստան կատարելիք այցից ակնկալում է արդյունավետ բանակցություն, նոր որակի գործակցություն, որովհետև նոր իրողություններում հայ-ռուսական համագործակցությունը պետք է բարձրացնել որակապես նոր մակարդակի: Նրա կարծիքով` նոր որակը ենթադրում է փոխշահավետ գործակցության տեսանելի արդյունք Հայաստանի քաղաքացու համար, այլ կերպ ասած` hայաստանյան շահի ռեալ դիտարկում: «Որևէ պաշտոնյայի այց ինքնանպատակ չէ, և ակնկալում եմ, որ նրա այցի արդյունքում իմ երկրի քաղաքացին տեսնի նոր փոփոխություններ»,- Yerkir.am-ի հետ զրույցում ասաց պատգամավորը:

Պուտինի այցից իր սպասելիքների մասին չափազանց անկեղծ խոսեց ԲՀԿ-ական պատգամավոր Կարո Կարապետյանը: «Ես մենակ կուզեմ ասեմ, որ շատ կուզենայի տեսնել Պուտինին»,- ասաց նա: