Ես չեմ ուզում տեսնել Թբիլիսիի ուղղությամբ շարժվող ռուսական տանկեր, չեմ ուզում տեսնել մայրաքաղաքի ու օդանավակայանների ռմբակոծումը. Զալկալիանի

Վրաստանի արտաքին գործերի նախարար Դավիթ Զալկալիանին աջակցել է երկրի վարչապետ Իրակլի Ղարիբաշվիլիի՝ Ռուսաստանի դեմ տնտեսական պատժամիջոցներին չմիանալու որոշմանը։

Նա դա բացատրել է վրացական տնտեսության թուլությամբ, ռուսական էներգետիկ ռեսուրսներից կախվածությամբ և տարածքային մոտիկությամբ։

«Մենք մեր կյանքով հաստատել ենք, որ Վրաստանը ենթակա է ռուսական ագրեսիայի։ Պատասխանատու կառավարությունն արդյո՞ք չպետք է զգույշ լինի այս գործընթացում։ Նրանք լրացուցիչ մոբիլիզացիայի կարիք չունեն, որն իրականացվել է Ուկրաինայի հետ կապված։ Նրանք այստեղ են, նրանց գրավման արդյունքը տեսանելի է մայրուղուց, ամբողջ Վրաստանը գլխիվայր շուռ տալու համար կպահանջվի մի քանի րոպե։ Ի՞նչ եք կարծում, մենք տեղեկություն չունե՞նք, թե ինչ են անելու և ինչպես։ Բորելի հայտարարությունն արվել է երեկ՝ գուցե սա լինի հաջորդ «Վրաստանը»։ Ես չեմ ուզում տեսնել Թբիլիսիի ուղղությամբ շարժվող ռուսական տանկեր, չեմ ուզում տեսնել մայրաքաղաքի ու օդանավակայանների ռմբակոծումը: Ես ոչ ոքի չեմ վախեցնում, բայց սա ամենավատ իրավիճակն է»,- ասել է Զալկալիանին։