Գծատերերը կամայականություններ են անում

Երեւանի քաղաքային տրանսպորտով երթեւեկելը առավոտյան ու երեկոյան ժամերին դառնում է անտանելի: Մեր ունեցած տեղեկություններով` մոտ 30 գծատեր ներքին համաձայնության է եկել առավոտյան` դասի եւ աշխատանքի գնալու ժամերին, քիչ երթուղային տաքսի եւ ավտոբուս շահագործել` ստեղծելով արհեստական լարվածություն եւ գերբեռնվածություն: Երեկոյան ժամերին` 9-ից հետո, առանձին երթուղիներ ընդհանրապես չեն գործում:

Այս քայլով գծատերերը որոշել են որոշ ժամանակ գերշահույթ չստանալ, սակայն կկարողանան մարդկանց համոզել, թե` տեսեք, որ 100 դրամով հնարավոր չէ մարդավարի, քաղաքակիրթ տրանսպորտ ունենալ, պետք է ուղեվարձը բարձրանա:

Իսկ թե ի՞նչ է այս մասին մտածում Երեւանի գծատեր քաղաքապետը, հայտնի չէ:

Չի բացառվում, որ իր կոլեգաներին ընդառաջած կլինի Տարոն Մարգարյանը` բարձրագույն ղեկավարության մոտ արդարացնելու համար ուղեվարձը 150 դրամ դարձնելու իր նախկին` կամայական որոշումը:

Լուսանկարը՝ Haynews.am-ի