ԱՄՆ-ի հետ հարաբերություններն ավելի կարևոր են, քան ծառայությունների քաշքշուկները. Պուտին

ՌԴ նախագահ Վլադիմիր Պուտինը, պատասխանելով ԿՀՎ նախկին աշխատակից Էդվարդ Սնոուդենի գործունեության ու ԱՄՆ-ի արձագանքի մասին հարցին, հայտարարել է, որ միջպետական հարաբերությունները շատ ավելի կարևոր են, քան «հատուկ ծառայությունների կեղտոտ քաշքշուկները». հայտնում է Интерфакс-ը:

«Մենք ԱՄՆ-ի հետ հարաբերությունների զարգացման մեր խնդիրներն ունենք: Մենք մեզ չենք պահի այնպես, ինչպես մյուս երկրները: Մենք անկախ պետություն ենք և անկախ արտաքին քաղաքականություն ունենք»,- ասել է Պուտինը:

Հիշեցնենք, որ Սնոուդենը ժամանակավոր ապաստան է խնդրել Ռուսաստանից: Այդ միջնորդությունը կուսումնասիրվի 3 ամսվա ընթացքում: Եթե Սնոուդենին ապաստան տրամադրվի, ԱՄՆ-ը սպառնում է բոյկոտել Սոչիի օլիմպիական խաղերը: