ԱՄՆ դեսպանատան համար սյորֆինգն ավելի կարևոր իրադարձություն է, քան 6 հայ գերիների հետ կապված իրավիճակը

Հույն բլոգեր, լրագրող, Greek City Times հունական կայքի խմբագիր Պոլ Անտոնոպուլոսը «Թվիթեր»-ում ուշադրություն է հրավիրել այն փաստին, որ 6 հայ զինծառայողների գերեվարումը Հայաստանում ԱՄՆ դեսպանատան համար ավելի քիչ կարևորություն ունի, քան Տոկիոյի օլիմպիական խաղերում սյորֆինգ սպորտաձև մտցնելը։

«Սյորֆինգի՝ որպես օլիմպիական սպորտաձևի նորամուտը կնշվի Տոկիոյի 2020 թ. օլիմպիական խաղերում՝ այս ամառ...», – գրել է Հայաստանում ԱՄՆ դեսպանատունը։

«Երևանում ԱՄՆ դեսպանատան առաջին թվիթն այն բանից հետո, երբ 6 հայ զինվորներ առևանգվել են ադրբեջանցիների կողմից Հայաստանի տարածքում,  վերաբերում է սյորֆինգին։ Անհավանական անզգամություն»,– գրել է Անտոնոպուլոսը։