Սիրիային սով է սպառնում

Սիրիայում բնակչությանը պարենով ապահովման իրավիճակը վատթարացել է վերջին տարվա ընթացքում եւ հակամարտության շարունակման դեպքում սպառնում է խորանալ մոտակա 12 ամիսներին. ասվում է ՄԱԿ-ի Պարենի եւ գյուղատնտեսության կազմակերպության տարածած զեկույցում, որը կազմվել է Սիրիայում մայիս-հունիս ամիսներին կատարված ուսումնասիրության արդյունքում:

Ըստ մասնագետների` Սիրիայի 5 մլն բնակչությունից 4 միլիոնը  ի վիճակի չէ իրեն ապահովել պարենով: Պատճառը արտադրության ծավալների կտրուկ նվազումն է:

Բացի դրանից` համաճարակների բռնկման վտանգ կա` խոշոր եղջերավոր անասունների պատվաստման բացակայության պատճառով, իսկ համաճարակները կարող են սպառնալ նաեւ հարեւան երկրներին:

Կազմակերպությունը աջակցում է տեղացի ֆերմերներին, նաեւ պարեն մատակարարում Սիրիային: Հունիսին օգնություն է տրամադրվել 2,5 մլն մարդու: