կարևոր
1120 դիտում, 3 ամիս առաջ - 2022-10-26 20:08
Քաղաքական

Գլխավոր դատախազությունում կադրային սով է. առանցքային պաշտոններում թեկնածուներ չկան, աշխատակազմում՝ ջարդ է

Գլխավոր դատախազությունում կադրային սով է. առանցքային պաշտոններում թեկնածուներ չկան, աշխատակազմում՝ ջարդ է

ՀՀ գլխավոր դատախազությունում այս պահին շարունակում են թափուր մնալ մի շարք սկզբունքային պաշտոններ։ «Փաստինֆո»-ի հաղորդմամբ՝ մասնավորապես, թափուր է գլխավոր դատախազի երկու տեղակալի, այդ թվում՝ զինդատախազի, և երկու վարչության պետի պաշտոնները։

Ինչպես արդեն տեղեկացրել ենք՝ գլխավոր դատախազը հոկտեմբերի 21-ին հրաման է ստորագրել, որով պաշտոնից ազատել է արդարադատության առաջին դասի խորհրդական, Գլխավոր դատախազության տնտեսական գործունեության դեմ ուղղված հանցագործությունների գործերով վարչության պետ Արսեն Սիմոնյանին։ Առ այս պահը նշված պաշտոնում որևէ մեկը չի նշանակվել։ Մյուս առանցքային վարչությունը, որը շարունակում է մնալ առանց պետի, պետական իշխանության դեմ ուղղված հանցագործունների գործերով վարչությունն է։

Աննա Վարդապետյանի՝ գլխավոր դատախազ նշանակվելուց հետո կադրային ջարդ է սկսվել նաև աշխատակազմում, թափուր են գլխավոր խարտուղարի տեղակալների, բաժնի պետերի տեղակալների, գխավոր մասնագետների պաշտոնները։

Աղբյուր` Փաստինֆո