Դիետա պահողներն ուղեղի սով են ունենում

Ասում են` գեղեցկությունը զոհեր է պահանջում, իսկ ի՞նչ անել, երբ զոհի դերում մարդու առողջությունն է:

Դիետա պահող մարդկանց ուղեղին միշտ պակասում են սննդարար նյութեր, այդ պատճառով բջիջները սկսում են իրենց ուտել. արդյունքում սովի զգացումն ուժեղանում է: Դրան օրգանիզմը պատասխանում է` արտադրելով ճարպաթթուներ, որոնք էլ ուղեղում առաջացնում են սովի զգացում. տեղեկացնում է doctors.am-ը:

Ալբերտ Էյնշտեյնի բժշկական քոլեջի մասնագետները հայտարարում են, որ այս բացահայտումը հնարավորություն կտա ստեղծելու քաշ կորցնելու թերապիայի ավելի արդյունավետ ու անվնաս մեթոդներ: Փորձարկումից պարզ է դարձել, որ ուղեղում նման քիմիական փոփոխությունները հանգեցնում են նրան, որ մկները դառնում են ավելի թեթև ու նիհար` չուտելու առաջին շրջանում:

«Բջիջը սպասարկելու համար անհրաժեշտ քիմիական ճանապարհը նաև ազդում է ախորժակի կարգավորման վրա: Այս քիմիական ուղու վրա կենտրոնացած թերապիան կօգնի մարդուն ավելի քիչ ուտել ու ավելի ակտիվորեն այրել ճարպերը»,- ասում է հետազոտության ղեկավար բժիշկ Ռաջահ Սինկխը: