Խստապահանջ եւ նվիրված էր. դանակահարված դասախոսի մասին

Հունիսի 26-ին դանակահարություն էր տեղի ունեցել Վանաձորում, ինչի հետեւանքով տուժել էր տեղի թատերական ինստիտուտի դասախոսներից մեկը: Դանակահարվել է «Թատրոնի պատմություն» առարկայի դասախոս Վասիլի Գեւորգյանը` թատրոնի հնչյունային ռեժիսոր Ակսել Մխիթարյանի կողմից:

Yerkir.am-ի հետ զրույցում Թատրոնի եւ կինոյի պետական ինստիտուտի մամլո պատասխանատուն նշեց, որ ինստիտուտի ռեկտոր Արմեն Մազմանյանը պաշտոնապես հայտարարել է, որ Վասիլի Գեւորգյանը բավական խստապահանջ եւ նվիրված դասախոս է եղել, ավելին` նա երբեւէ որեւէ խնդիր կամ բարդություն չի ստեղծել:

Նշենք, որ ըստ «Ժողովուրդ» օրաթերթի, դեպի պատճառը եղել է բուհի ուսանողուհի Աննա Դարբինյանը, որն Ակսելի ընկերուհին է: Վ. Գևորգյանն Աննային անբավարար է նշանակել՝ վիրավորելով նրա արժանապատվությունը, իսկ Ակսելն էլ փորձել է պաշտպանել ընկերուհու արժանապատվությունը` դանակի գործադրմամբ: