Բանակում սպանությունների դեմ պայքարող ադրբեջանցի ակտիվիստներին ձերբակալել են

Ադրբեջանի բանակում զինվորների սպանությունների դեմ պայքարող NİDA շարժման 3 ակտիվիստների առանց հիմքերի երեկ ձերբակալել են. հայտնում է Contact.az-ը:

Ավելի ուշ պարզ է դարձել, որ նրանց բնակարանում ոստիկանությունը դյուրավառ հեղուկով շշեր և թմրանյութեր է հայտնաբերել: Այդպիսով` իշխանությունները նրանց փորձում են մեղադրել թմրանյութեր պահելու և անկարգություններ նախապատրաստելու մեջ: 

NİDA-ի անդամները, սակայն, պնդում են, որ դրանք քաղաքացիական հագուստով մարդիկ են թաքցրել բնակարանում, որոնք այցելել էին իրենց` ներկայանալով որպես ազգային անվտանգության նախարարության աշխատակիցներ:

Նշենք, որ շարժման ակտիվիստները ցույց են նախատեսել անցկացնել մարտի 10-ին, որին մասնակցելու պատրաստակամություն է հայտնել 30 հազար մարդ: