Լեւոն Հայրապետյանը պատվիրված սպանությունների հետ կապ չունի

ՌԴ Հետաքննչական հանձնաժողովը միջնորդություն է ներկայացրել Մոսկվայի Բասմաննի դատարան` հայ գործարար Լեւոն Հայրապետյանին կալանավորելու համար: Նրան կասկածում են ֆինանսական մեքենայությունների մեջ` կապված «Բաշնեֆտ»-ի վաճառքի գործարքի հետ` իբր չհիմնավորված խոշոր տոկոսներ է ստացել այդ գործարքից. տեղեկացնում է Росбалт: Նրան մեղադրանք կներկայացվի ՌԴ ՔՕ 160-րդ (վատնում) եւ 174-րդ (հանցավոր եկամուտների լեգալացում) հոդվածներով:

Անցյալ գիշեր գործարարի` «Պրեզիդենտ հոթել»-ում գտնվող գրասենյակում խուզարկություն է իրականացվել, առգրավվել է ПМ տեսակի ատրճանակի փամփուշտների 2 տուփ:

Արդեն հայտնել ենք, որ միջոցառումներն իրականացվել են ՌԴ Հետաքննչական հանձնաժողովի` «կինգիսեպյան» հանցավոր խմբավորման գործունեության հետաքննության շրջանակներում, սակայն նշվում է, որ Հայրապետյանը պատվիրված սպանությունների հետ կապ չունի: