Ադրբեջանցի գործարար Թելման Իսմայիլովի ընտանիքին կասկածում են սպանությունների մեջ

Ադրբեջանցի հայտնի գործարար Թելման Իսմայիլովի ընտանիքի գործունեության վերաբերյալ քրեական գործում զոհերի մասին մաս է ավելացել: Քննիչները ստուգում են ընտանիքի անդամների ներգրավվածությունը «Լյուբերեցկայա» կազմակերպված հանցավոր խմբավորման «հեղինակությունների» սպանության մեջ. հայտնում է Росбалт-ը:

Իրավապահ մարմիններում աղբյուրը պարբերականին հայտնել է, որ գործը նոր ընթացք է ստացել այն բանից հետո, երբ քննության հետ սկսել է համագործակցել գործարար Սերգեյ Գավրյուշինը: Նա 15 տարի եղել է Ռաֆիկ Իսմայիլովի օգնականը, հաճախ կատարել Թելման Իսմայիլովի հրահանգները:

Քննիչների տվյալներով՝ երբ 2009 թվականին փակվեց «Չերկիզովսկի» շուկան՝ Իսմայիլովների եկամտի հիմնական աղբյուրը, ընտանիքի անդամները սկսեցին տարածքով խոշոր այլ օբյեկտներ որոնել`առևտուրը տեղափոխելու համար: Մասնավորապես՝ նրանց դուր է եկել «Աբրամցևո» շուկան: Այն, սակայն, գտնվում էր «Լյուբերեցկայա» խմբավորման հեղինակությունների և նրանց հետ կապ ունեցող գործարարների հսկողության տակ:

Ըստ քննիչների` սկզբնական շրջանում նրանք համագործակցել են հանցագործների հետ, սակայն հետո նրանց միջև կոնֆլիկտներ են ծագել շահույթը կիսելու հարցում: Այդ վեճերը շարունակվել են անգամ շուկայի փակվելուց հետո: Միաժամանակ սկսվել են «Լյուբերեցկայա» խմբավորման առաջնորդների սպանությունները: Քննիչները հիմքեր ունեն կասկածելու, այդ թվում` վկաների ցուցմունքների հիման վրա, որ հարձակումների հետևում կանգնած էին հենց Իսմայիլովները: Ըստ աղբյուրի` մեղադրանքները դեռ ներկայացվել են 5 սպանությունների գործով:

Նշվում է, որ ներկայումս քրեական գործը հետաքննվում է հինգ հոդվածով` հանցավոր խմբի կազմակերպում, սպանություն, զենքի անօրինական պահում, բանկային անօրինական գործունեություն և հրդեհելու հոդվածներով: