Հո ''Կոկա Կոլա'' չի, որ մի հատ էլ փորձեմ. Պարույր Հայրիկյան

Այն բանից հետո, երբ Սահմանադրական դատարանը մուտքագրեց Պարույր Հայրիկյանի` ընտրությունները 2 շաբաթով հետաձգելու դիմումը, ԱԻՄ-ի առաջնորդը լրագրողների հետ ճեպազրույցում անդրադարձավ Հրանտ Բագրատյանի այն հայտարարությանը, թե միասնական թեկնածուի դեպքում Հայրիկյանն առաջինը պետք է հանի իր թեկնածությունը:

«Թող ինձ դա առաջարկի այնպիսի մարդ, ով իր կյանքում մեկ անգամ նման ջենտլմեն քայլ է արել: Էս էլ հո «Կոկա Կոլա» չի, որ մի հատ էլ փորձես»,- նշել է Հայրիկյանը` հիշեցնելով, որ 1996թ. ինքը հիմնական թեկնածուն էր, բայց չդարձավ միասնականը:

Հայրիկյանի խոսքով` միասնական թիմի հասնելու համար կա մեկ սկզբունք, այն է` բոլորը մի կողմ են թողնում իրենց ցանկությունները եւ համաձայնում հանել իրենց թեկնածությունները: