Շվեյցարական բանկերն այլեւս գաղտնի չեն պահի հաճախորդների հաշիվները

Շվեյցարիայում ուժի մեջ է մտել «Հարկային հարցերում միջազգային օգնության մասին» օրենքը, որի համաձայն` այսօրվանից` 2013 թ. փետրվարի 1-ից,  շվեյցարական բանկերի հաճախորդների գործողությունները կարող են տրամադրվել իրավապահ մարմիններին, եթե հարկային օրենսդրության խախտումների վերաբերյալ կասկածներ լինեն. տեղեկացնում է РБК-ն:

2013 թվականի հունվարին Շվեյցարիայի հնագույն բանկերից մեկը` 1741 թվականին ստեղծված Wegelin&Co-ն, դադարեցրել է իր գործունեությունը հարկային խարդախությունների հետ կապված սկանդալից հետո: Բանկին ստիպել են ԱՄՆ կառավարությանը 57,8 մլն դոլար տուգանք վճարել` ամերիկացի հաճախորդներին հարկային պարտավորություններից խուսափել օգնելու համար: