Հայրիկյանի դեմ մահափորձի երկու պատճառները

ԱԻՄ նախագահ, ՀՀ նախագահի թեկնածու Պարույր Հայրիկյանի նախընտրական շտաբի արտաքին կապերի պատասխանատու Կարո Եղնուկյանը Yerkir.am-ի հետ զրույցում նշեց, որ Հայրիկյանի դեմ իրականացված մահափորձը կարող է ունենալ երկու պատճառ:

Ըստ նրա` պատճառներից մեկն այն է, որ նախընտրական քարոզարշավի ընթացքում Հայրիկյանին հաջողվում էր մարդկանց մոտ վախի մթնոլորտը վերացնել, և նման քայլով հանցագործը փորձեց Հայրիկյանին հակահարված տալ` ապացուցելով, որ վախենալու բան, այնուամենայնիվ, կա:

Եղնուկյանի կարծիքով` երկրորդ պատճառն էլ այն է, որ Հայրիկյանը վերջերս  խոսում էր միասնական թեկնածուի մասին, և չնայած այս աղմուկը իշխանություններին ձեռնտու չէ, սակայն մյուս կողմից` իշխանությունների ձեռնտու չէր նաև, որ գուցե ժողովուրդը միասնական դառնար, և ընտրությունները անցնեին երկու փուլով, իսկ այդ դեպքում Հայրիկյանը կհաղթեր: