Խեղճուկրակ քաղաքացին մոտեցել է քաղաքապետին. ''Հրապարակ''

«Հրապարակը» գրում է.երեկ կառավարության շենքից դուրս եկող Երեւանի քաղաքապետ Տարոն Մարգարյանին ուղեկցում էր մի սափրագլուխ, ապա նրան մոտեցան մի քանի ոստիկաններ ու, թիկունքից պաշտպանելով, տարան առաջ: Նման հատուկ միջոցառումների անհրաժեշտությունը ծագել էր, քանի որ մի խեղճուկրակ քաղաքացի համարձակվել էր մոտենալ քաղաքապետին:

Ապա Տարոնը ոստիկանների ուղեկցությամբ ապահով քայլեց դեպի ՀՀԿ կենտրոնական շտաբ: Սա շատ ուշագրավ է այն առումով, որ իր երկրում իրեն ապահով չի զգում անգամ քաղաքապետը եւ կառավարությունից 100 մ հեռավորության վրա գտնվող կուսգրասենյակ քայլում է թիկնապահների ու ոստիկանների ուղեկցությամբ: