Սիրիական տանկերը մոտեցել են Թուրքիայի սահմանին

Այս գիշեր սիրիական տանկային ստորաբաժանումները դիրքավորվել են թուրքական սահմանի երկայնքով:

Ինչպես տեղեկացնում է Еuronews-ը, ականատեսների եւ սիրիացի իրավապաշտպանների խոսքերով` հիմնական ուժերը գտնվում են Հիրբեթ ալ Ջոուզ գյուղի մոտ` սահմանային կետից մոտ 1 կմ հեռու:

Սահմանի մոտ ստեղծված վրանային ճամբարի հարյուրավոր փախստականներ, որոնք ռիսկ չէին արել անցնել սահմանը, անմիջապես անցել են թուրքական տարածք` Գյուվեչի գյուղը: Թուրքական իշխանությունները 5 ավտուբուս են տրամադրել նրանց Հաթայ նահանգի փախստականների ճամբարներից մեկը տեղափոխելու համար:

Վերջին երկու շաբաթվա ընթացում Թուրքիա է փախել ավելի քան 10 հազար սիրիացի: