կարևոր
3619 դիտում, 2 ամիս առաջ - 2024-04-05 16:12
Հասարակություն

1800-ականների պատմական շենքը հերթական թիրա՞խ․ կազմակերպություններից պահանջել են լքել շենքը

Երևանի կենտրոնում՝ Հանրապետության 32 հասցեում տեղակայված  պատմամշակութային նշանակության շենքում տասնամյակներ շարունակ գործունեություն են ծավալել մշակութային 3 կազմակերպություններ։ Երևանի քաղաքապետարանի պահանջով այսօր վաղ առավոտյան կազմակերպությունները լքել են շենքն ու հանել իրենց գույքը։Yerkir.am-ի նկարահանող խումբը տեղում փորձել պարզել, թե ինչ ճակատագիր է սպասվում տվյալ շենքին։
Նշենք, որ շենքը կառուցվել է 1876 թ: Ըստ արխիվային փաստաթղթերի՝ եղել է նահանգապետարանի վարչական շենքի մասնաշենքը, պատմական մեկ այլ դրվագով՝ մինչև 1920 թ.  շենքը ծառայել է որպես՝ Հայաստանում Պարսկաստանի հյուպատոսարան: Այնուհետև այն տրվել է Հայ Օգնության Կոմիտեին, որի ղեկավարն էր Հովհաննես Թումանյանը: 1964 թ.-ից շենքը տրվել է Պատմամշակութային հուշարձանների պահպանման ընկերակցությանը, որը նախագահում էր Մարտիրոս Սարյանը: Ի դեպ, Պատմամշակութային հուշարձանների պահպանման ընկերակցության ավանդույթներն այդուհետ  շարունակել է  «ԲՆՕՐՐԱՆ»- ՀԿ-ն, որը շենքը լքելու վերաբերյալ  նախօրեին հայտարարություն է տարածել։

  Մանրամասն՝ տեսանյութում։