Փոխարժեքներ
04 10 2024
|
||
---|---|---|
USD | ⚊ | $ 387.05 |
EUR | ⚊ | € 427.46 |
RUB | ⚊ | ₽ 4.07 |
GBP | ⚊ | £ 507.73 |
GEL | ⚊ | ₾ 141.66 |
Ավստրիացիները որոշել են չվերացնել պարտադիր զինվորական ծառայությունը եւ, չնայած եվրոպական այլ երկրների օրինակին, հավանություն չեն տվել պրոֆեսիոնալ բանակի ձեւավորմանը: Այս հարցով անցկացված հանրաքվեին քվեարկողների 60 տոկոսը կողմ է եղել 18 տարեկանից սկսած պարտադիր զինվորական ծառայկություն անցնելուն. տեղեկացնում է mignews.com-ը:
Ավստրիական բանակում ծառայելու ժամկետը ընդամենը կես տարի է, եւ շատերը պատրաստ են զոհաբերել այդ ժամանակը հանուն Հայրենիքի: Ի դեպ, զորակոչվածները այընտրանք ունեն` 9 ամսվա աշխատանք ծերանոցներում, հիվանդանոցներում, շտապ օգնության ծառայությունում:
«Ես երջանիկ եմ, որ Ավստրիան նման ժողովուրդ ունի: Նկատի ունեմ նրանց, ովքեր այդպես են քվեարկել»,- ասել է երկրի արտգործնախարար Միխայել Շպինդելեգերը:
Սակայն Ավստրիայի պաշտպանության նախարար Նորբերտ Դարաբոսը հավանորեն ստիպված լինի հայրենակիցների հայրենասիրության պատճառով հրաժարական տալ. պրոֆեսիոնալ բանակ ձեւավորելու գաղափարը նրանն էր: