Ուզում է, որ այս նախագահական ընտրությունները որակապես տարբերվեն նախորդներից

«Ես` որպես ՀՀ քաղաքացի, ցանկանում եմ, որ 2013-ին կայանալիք նախագահական ընտրությունները որակապես տարբերվեն նախորդներից»,- լրագրողների հետ հանդիպման ժամանակ հայտարարեց ՀՀ սփյուռքի նախարար Հրանուշ Հակոբյանը:

Նա նշեց նաեւ, թե անչափ կարեւոր է, որ երկրի ղեկավարին ընդունելիս իմանան` ժողովուրդը նրա մեջքին կանգնած է:

«Յուրաքանչյուր ձախողում հետընթաց է: Պետք չէ մոռանալ, որ 2008-ին մեր երկիրը հետընթաց էր ապրում, եւ երկրի վայրէջքը կանգնեցնել հաջողվեց ՀՀ գործող նախագահը: Հենց նման դեպքերի համար էլ ասում եմ, որ նախագահի ընտրությունը պարզապես մեկ մարդու ընտրություն չէ, այլ ողջ ազգի, պետության առաջընթացի ընտրություն, որ կարեւոր է միջազգային հարթակում հավասարը հավասարի հետ խոսելու համար»,- ասաց նախարարը եւ հավելեց, որ մեր ապագան ժողովրդավարության խորացումն է: