ՀԱԿ-ի "Կիկոսի մահը"

Խորհրդարանի միջոցով նախագահի հրաժարականին հասնելու` ՀԱԿ-ի «ցանկությունը» «Երկիր»-ի հետ զրույցում ԱԺ «Ժառանգություն» խմբակցության ղեկավար Ստեփան Սաֆարյանը քարոզչական հնարք որակեց: Նա նշեց, որ ՀԱԿ-ն, ի վերջո, ազնիվ գտնվեց եւ վերջին հանրահավաքի ժամանակ խոստովանեց, որ թիրախը հերթական ընտրություններն են:

«ՀԱԿ-ը պետք է գիտակցի, որ բազմաթիվ եթե-ներից բաղկացած ստրատեգիան հիշեցնում է «Կիկոսի մահը»,- նշեց Սաֆարյանը եւ հավելեց, որ բազմաթիվ եթե-ներից ոչ մեկ կախված չէ ՀԱԿ-ից:

«Ժառանգություն»-ՀԱԿ համագործակցությունը Սաֆարյանը քիչ հավանական համարեց: Իսկ թե ՀԱԿ-ին որքան տեղ կհաջողվի  զբաղեցնել խորհրդարանում, նա դժվարացավ պատասխանել:

«Եթե իմանամ, թե իշխանությունները որքան են կեղծելու ընտրությունները, այդ դեպքում կկարողանամ ասել, թե ում ձայներից ինչ կմնա»,- եզրափակեց «Ժառանգության» պատգամավորը: