ՀԱԿ խմբակցության երկու պատգամավոր չի միացել ՀԱԿ-ի ստորագրահավաքին

Արդեն հայտնել ենք, որ երեկ ՀԱԿ խմբակցությունը ստորագրահավաք էր սկսել ԱԺ պատգամավորների շրջանում՝ սահմանադրական հանրաքվեի արդյունքները Սահմանադրական դատարանում վիճարկելու համար։

Տեղեկացնենք, որ այս պահի դրությամբ ստորագրահավաքին միացել է 15 պատգամավոր: ԱԺ ՀԱԿ խմբակացությունից միացել են խմբակցության ղեկավար Լևոն Զուրաբյանը, քարտուղար Արամ Մանուկյանը, պատգամավորներ Գագիկ Ջհանգիրյանը, Նիկոլ Փաշինյանը, Ստեփան Դեմիրճյանը: ՀԱԿ-ից ստորագրահավաքին չեն մասնակցել խմբակացության պատգամավորներ Հրանտ Բագրատյանն ու Լյուդմիլա Սարգսյանը:

«Ժառանգություն» խմբակցությունից միացել են Թևան Պողոսյանն ու Զարուհի Փոստանջյանը:

ՕԵԿ խմբակացությունը ողջ կազմով միացել է ՀԱԿ-ի նախաձեռնությանը:

Ստորագրահավաքին միացել են նաև ԲՀԿ խմբակացության պատգամավոր Տիգրան Ուրիխանյանը, անկախ պատգամավոր Էդմոն Մարուքյանը և Խաչատուր Քոքոբելյանը:

Պատգամավորները ՀԱԿ-ի նախաձեռնած ստորագրահավաքին կարող են միանալ մինչև դեկտեմբերի 18-ը: Հիշեցնենք, որ Սահմանադրական դատարան դիմելու համար անհրաժեշտ է 27 պատգամավորի ստորագրություն: