Թուրքիայի հայերը դարձյալ կրոնափոխ են եղել

Մի խումբ հայեր, ովքեր մեծացել են որպես սուննի մահմեդականներ կիրակի օրը մկրտվել են հայ առաքելական Սուրբ Կիրակոս եկեղեցում, որը վերաբացվեց հոկտեմբերի 22-ին Դիարբեքիրում (Տիգրանակերտ):

Մկրտվածները 1915 թվականի Հայոց ցեղասպանության զոհերի ժառանգներն են. գրում է իտալական La Stampa թերթը` հավելելով, որ եկեղեցու վերաբացմանը ներկա են եղել բազմաթիվ հյուրեր եւ պաշտոնյաներ` ՀՀ նախկին արտգործնախարար Րաֆֆի Հովհաննիսյանը,  Հայ Առաքելական եկեղեցու Ամերիկայի թեմի առաջնորդ, Վիգեն արքեպիսկոպոս  Այվազյանը, նաեւ Թուրքիայում ԱՄՆ դեսպան Ֆրենսիս Ռիկարդոնեն:

Վիգեն արքեպիսկոպոսն իր թուրքերենով ելույթում ասել է. «Մենք 2600 եկեղեցիներ եւ վանական համալիրներ ունեինք Անատոլիայում: Դժբախտաբար հիմա մատների վրա կարելի է հաշվել դրանց թիվը: Ես` որպես հոգեւոր առաջնորդ, Թուրքիայից պահանջում եմ վերադարձնել հայկական քրիստոնեական եկեղեցիները հայերին»: