Իրենք ասացին, իրենք լսեցին

Հանրային խորհրդի ֆինանսատնտեսական եւ բյուջետային հանձնաժողովի այսօրվա նիստը, որի ընթացքում պետք է քննարկվեին կառավարության կողմից Ազգային ժողով ներկայացված հարկային եւ հարակից օրենքների նախագծերի փաթեթն ու ավտոներկրողների հետ կապված հարցերը, անցավ առանց քննարկման մյուս կողմի` նախարարությունների ներկայացուցիչների:

Հանրային խորհրդի նախագահ Վազգեն Մանուկյանը, սակայն, տեղեկացրեց, որ քննարկումն, այնուամենայնիվ, կկայանա:

Ըստ էության` այն ավելի շուտ նմանվեց ոչ թե քննարկման, այլ մենախոսությունների, քանի որ հիմնական ելույթ ունեցողները երեքն էին` խորհրդի նախագահ Վազգեն Մանուկյանը, հանձնաժողովի նախագահ Վազգեն Սաֆարյանը եւ խորհրդի անդամ Խոսրով Հարությունյանը:

Իսկ երբ հանձնաժողովի անդամներից որեւէ մեկը ցանկանում էր կարծիք հայտնել, Վ. Մանուկյանն ընդհատում էր` ասելով, որ իմաստ չունի, քանի որ նախարարությունից մարդ չկա: