«Ասացին, որ Տարոն Մարգարյանը հիվանդ է, մինչդեռ հնարավոր է՝ նրան փախուստի հնարավորություն է տրվել»

Տեղեկացրել էինք, որ Երևանի քաղաքապետ Տարոն Մարգարյանը չի մասնակցում  ավագանու այսօրվա նիստին: Փոխքաղաքապետ Կամո Արեյանը պարզաբանմամբ՝ առողջական խնդիրներ ունի:  

«Երկիր ծիրանի»-ի ղեկավար Զարուհի Փսոտանջյանը նշեց, որ ավագանին պետք է հայտարարի լուծարման մասին: «Ներկայացվեց, որ Տարոն Մարգարյանը հիվանդ է, մինչդեռ հասկանում ենք, որ հնարավոր է՝ Տարոն Մարգարյանին փախուստի դիմելու հնարավորություն է տրվել: Հանրությունը պահանջում է, որպեսզի Տարոն Մարգարյանին ներառեն որպես մեղադրյալ՝ միլիոնավոր չարաշահումների, այդ թվում՝ բռնության գործով»,- հայտարարեց նա:

Փոստանջյանը դիմեց նաև Կամո Արեյանին՝ ասելով, որ նա պետք է զբաղվի ավագանու լուծարման հարցերով: «Դուք տեսել եք հրապարակված տեսանյութը Տարոն Մարգարյանի ունեցվածքի վերաբերյալ: Հիմա դուք պետք է ավագանու լուծարմամբ զբաղվեք, որպեսզի չստացվի` իմանալով հանցագործության մասին, բայց չբարձրաձայնելով այդ մասին, պատասխանատվության ենթարկվեք»: