Ադրբեջանցիներին հարցրել եմ` ինչո՞ւ եք գնում, ասացին` մեզ այդպես է ասվել. դա ծրագիր էր․ Լարիսա Ալավերդյան

«Միասին» այլընտրանքային  հասարակական-քաղաքական շարժման համակարգող խորհուրդը ՀՀ կառավարության շենքի  դիմաց հանրային շտապ հավաք է անցկացնում՝ ներկայացնելով  պահանջագիր, որով կառավարությունից  պահանջում են դիվանագիտական միջազգային օրակարգ դարձնել «Ադրբեջանի տարածքից բռնի տեղահանված հայ բնիկ ազգաբնակչության իրավունքների պաշտպանության մասին» հարցը։

«Ադրբեջանը գործել և գործում է միջազգային հանցագործություններ։ Դրա մասին արդեն տարբեր կազմակերպություններ են հայտարարում։ Դա գրեթե պարզ ձևով պետական մակարդակով արտահայտել են մի քանի պետություններ»,- ասաց ՀՀ նախկին օմբուդսմեն, «Ընդդեմ իրավական կամայականության»  ՀԿ գործադիր տնօրեն Լարիսա Ալավերդյանը։

Նա ընդգծեց՝ մինչև Հայաստանը չպահանջի, որ Ադրբեջանը պատժվի միջազգային իրավունքի համաձայն, մնացած բոլոր խոսքերը սպեկուլյացիա են։

«Հստակ պետք է նշել, թե ինչ հանցագործություններ է գործել հայերի դեմ՝ ցեղասպանական, այսինքն մարդկության դեմ հանցագործություն, մարդասիրական, երբ վայրենի կեցվածքը են դրսևորել են ոչ միայն ողջերի, նաև զոհվածների մարմինների հանդեպ,  հենց դա կոչվում է  մարդասիրության դեմ հանցագործություն, ռազմական հանցագործություն։

Այդ հանցագործությունների համար Հայաստանը պարտավոր է պահանջի պատժվել Ադրբեջանի ղեկավարությունը»,- ասաց Լարիսա Ալավերդյանը։

Մանրամասն՝ տեսանյութում։