Ինձ ասացին, որ ես ամուսնացել եմ. Հրաչուհի Ութմազյան

Yerkir.am-ի զրուցակիցն է հաղորդավարուհի Հրաչուհի Ութմազյանը:

-2014-ը 2014 չէր լինի, առանց...
-Առանց ինձ:

-Ամենահիմար լուրը, որ իմացաք նախորդ տարվա ընթացքում:
-Ինձ ասացին, որ ես ամուսնացել եմ:

-Ամենամեծ սուտը, որ լսեցիք 2014-ին:
-Որ ինչ-որ մեկին մի կոտ ոսկի եմ պարտք:

-Աստղաբաններն ասում են' 2015-ը կանացի էներգիայով է օծված լինելու, արդյո՞ք սա սեռական խտրականության դրսևորում չէ:
-Դա ֆեմինիզմի վառ դրսևորում է, ինչին ես դեմ չեմ:

-Ի՞նչ կցանկանայիք Ձմեռ պապից, եթե նա լիներ Կոնչիտա Վյուրստը:
-Չէի ուզենա ոչինչ, կուզեի' Ձմեռ պապիկը միշտ մնար Ձմեռ պապը:

-Խոզի բդին, կարծես, փոխարինելու է գալիս կոկորդիլոսը: Ի՞նչ եք կարծում' եթե այսպես շարունակվի' տարիներ անց, ո՞ր կենդանին կլինի Ամանորի սեղանի տերն ու տիրակալը:
-Ես ավելի քան վստահ եմ, որ Ամանորի մեր սեղանին միշտ ներկա է լինելու մամայիս պատրաստած շատ համեղ խոզի բուդը:

-Հույս կա՞, որ ինչ-որ տարի կլինի մարդու տարի /2015-ը կապույտ այծի տարի է/:
-Քանի դեռ կենդանիներն ավելի բարի են, քան մարդ արարածը, ես միշտ կուզենայի, որ ամեն տարի ինչ-որ կենդանու տարի լիներ: