Գովենք իշխանություններին, որ լավը դառնան

Երբ իշխանությունները լսում են, որ իրենք լավն են, փորձում են դառնալ լավը. սա հոգեբան Սամվել Խուդոյանի պատասխանն է այն հարցին, թե արժե՞, արդյոք,  շատ խոսել ՀՀ անկախության 20-ամյակին նվիրված զորահանդեսի մասին:

Իսկ սոցիոլոգ Ահարոն Ադիբեկյանի կարծիքով` զորահանդեսին հաճախ անդրադառնալը մի քանի դրական կողմեր ունի. նախ` մարդիկ մտածում են, որ Արցախի հարցն արդեն իսկ լուծված է, քանի որ  կա երկու հզոր բանակ (ՀՀ եւ ԼՂՀ բանակները), որոնք կարող են պաշտպանել երկրի տարածքային ամբողջականությունը:

Մյուս կողմից` հզոր բանակի վերաբերյալ հրապարակումները կարեւոր են արտաքին լսարանի համար: «Մենք տուրիստներ ենք ընդունում, իսկ տուրիստը չի գա մի երկիր, որը չի կարողանում իրեն պաշտպանել: Ներդրողները երբեք ներդրումներ չեն անի մի երկրում, որտեղ կարող է պատերազմ լինել»,- ասաց սոցիոլոգը: