Քրեական գործ է հարուցվել Անժելա Սարգսյանի լուսանկարների փաստով

Այսօր ՀՀ ոստիկանության քննչական գլխավոր վարչությունում ՀՀ քրեական օրենսգրքի 144 եւ 236 հոդվածների հատկանիշներով քրեական գործ է հարուցվել դերասանուհի Անժելա Սարգսյանի ինտիմ լուսանկարների տարածման փաստով: 

Հիշեցնենք, որ դերասանուհին օգոստոսի 29-ին ոստիկանության կազմակերպված հանցավորության դեմ պայքարի գլխավոր վարչություն դիմում էր ներկայացրել, որ իր նախկին ընկերը՝ նախկինում դատված Կարեն Արայանը, առանց իր թույլտվության եւ գիտության ինտերնետում տարածել է իր ինտիմ լուսանկարները:

Սեպտեմբերի 2-ին Կ. Արայանը բերման էր ենթարկվել ոստիկանության ԿՀԴՊ ԳՎ եւ խոստովանել, որ ինքն է իսկապես տարածել լուսանկարները:

Իսկ սեպտեմբերի 17-ին մշակույթի նախարարության «Մշակութային արժեքների փորձագիտական կենտրոն» ՊՈԱԿ-ը տվել էր փորձագիտական եզրակացություն, որի համաձայն՝ ինտերնետում տարածված նյութերը պոռնկագրական բնույթի են: