22-ամյա զինծառայողի մահվան փաստով քրեական գործ է հարուցվել

22-ամյա զինծառայող Գառնիկ Թորոսյանի մահվան փաստի առթիվ հարուցվել է քրեական գործ` Քրեական օրենսգրքի 104-րդ հոդվածի 2-րդ մասի 13-րդ կետերի հատկանիշներով ( սպանությունը` ազգային, ռասայական կամ կրոնական ատելության կամ կրոնական մոլեռանդության շարժառիթով): Այս մասին yerkir.am-ին հայտնեց ՊՆ քննչական ծառայության ավագ սպա Մերի Սարգսյանը:

Հիշեցնենք, որ զինծառայողը մահացու հրազենային վերք է ստացել երեկ` ժամը 09:50-ի սահմանում, ղարաբաղա-ադրբեջանական հակամարտ զորքերի շփման գծի արևելյան ուղղությամբ տեղակայված զորամասերից մեկի (Մարտունի) պահպանության տեղամասի մարտական հենակետում մարտական առաջադրանք կատարելու ժամանակ:

Գառնիկ Թորոսյանը Շիրակի մարզի Նահապետավան գյուղից էր: