Ինքնասպանության փաստով հարուցվել է քրեական գործ

ԼՂՀ  Մատաղիսի զորամասի պահպանության տեղամասի մարտական դիրքում 19-ամյա զինծառայող Յուրիկ Գեւորգի Ներսիսյանի մահվան փաստով հարուցվել է քրեական գործ քր.օր.-ի 110 հոդվածի հատկանիշներով (ինքնասպանության հասցնելը):

Հայաստանի ՊՆ քննչական ծառայության հասարակայնության հետ կապերի բաժնից հայտնում են, որ գործով առայժմ ձերբակալվածներ չկան:

Ներսիսյանը Խարբերդ գյուղի բնակիչ է եւ ԼՂՀ պաշտպանության բանակ էր զորակոչվել Շենգավիթի զինկոմիսարիատից: Նախնական տեղեկությունների համաձայն` նա հրազենային վնասվածք է ստացել դնչի հատվածում: Իսկ մինչ այդ վիճաբանություն էր եղել Յուրիկ Ներսիսյանի եւ մարտական հենակետում գտնվող ծառայողների միջեւ. նրանք ծեծել ու ստորացրել էին զինվորին: