Սյունիքում, անասնագլխաքանակից բացի, ավելացել է նաեւ կաթի արտադրությունը

Սյունիքի մարզում պարբերաբար իրականացվող հաշվառումները ցույց են տալիս, որ այս տարի նույնպես մարզում աճել է անասնագլխաքանակը, իսկ դրան զուգահեռ նաև կաթի արտադրությունը:

Սյունիքի մարզպետարանի աշխատակազմի գյուղատնտեսության եւ բնապահպանության վարչության պետ Սամվել Թանգյանը տեղեկացնում է, որ այս տարի նախատեսված է մարզում կաթի արտադրությունը պետք է հասցնել 57 հազար տոննայի, որի արդյունքում կաթի մթերման խնդիր մարզում չի լինի:

«Երկիր»-ի տեղեկություններով` ներկայումս Սյունիքի մարզում գործում են կաթի վերամշակման 12 մեծ ու փոքր արտադրամասեր, որոնցից 5-ը` միայն Սիսիանի տարածաշրջանում:

Բացի այդ` մարզից որոշակի քանակությամբ կաթ է գնում նաեւ «Աշտարակ կաթ» ընկերություն, իսկ Սյունիքում արտադրված կաթնամթերքի զգալի մասը սպառվում է մայրաքաղաքում: