Ծովահենները ցմահ բանտարկվել են

ԱՄՆ դատարանը սոմալեցի երկու ծովահենի  ցմահ ազատազրկման է ենթարկել`  2011 թվականի փետրվարին Quest  զբոսանավի վրա չորս ամերիկացու գերի պահելու, այնուհետեւ սպանելու համար. հաղորդում է BBC-ն:  

Ալի Աբդի Մոհամեդը եւ Բուրխան Աբդիրահման Յուսուֆը առաջին ծովահեններն են, որոնց համար նման դատավճիռ է կայացվել, իսկ նրանց խմբի մյուս երեք անդամները հավանաբար մահապատժի կենթարկվեն:

Ծովահենները Quest զբոսանավը գրավել են Օմաբնից 250 մղոն հեռավորության վրա փետրվարի 19-ին: 17 մետր երկարություն ունեցող զբոսանավը պատկանելիս է եղել կալիֆոռնիացի ամուսիններ Սքոթ եւ Ջին Ադամներին: Նրանք միսիոներներ են եղել եւ նավով ճամփորդելիս են եղել` սկսած 2004 թվականից: Նրանք Աստվածաշունչներ են բաժանել աշխարհի տարբեր երկրներում:

Օմանի ափերի մոտ նրանց միացել են եւս երկու ամերիկացի` Սիեթլից: