Հանդիսավոր երեկո` նվիրված Ֆրիտյոֆ Նանսենի ծննդյան 150-ամյակին

Հունիսի 10-ին Սանկտ Պետերբուրգի «Կապելլա» համերգասրահում տեղի է ունեցել հանդիսավոր երեկո` նվիրված գիտնական, բեւեռախույզ, մեծ հումանիստ Ֆրիտյոֆ Նանսենի ծննդյան 150-ամյակին:

Ինչպես տեղեկացնում են ՀՀ ԱԳՆ մամուլի եւ տեղեկատվության վարչությունից, միջոցառումը կազմակերպել էր Սանկտ Պետերբուրգում ՀՀ գլխավոր հյուպատոսությունը` հայ համայնքի եւ տեղական ինքնակառավարման մարմինների օժանդակությամբ:

Միջոցառումը սկսվել է Նանսենի մասին պատմող ֆոտոցուցահանդեսի բացումով եւ ֆիլմի ցուցադրությամբ: Երեկոյին մասնակցել են Սանկտ Պետերբուրգի եւ քաղաքի հայ համայնքի ներկայացուցիչներ, գիտնականներ, մտավորականներ, կառավարության աշխատակիցներ, դիվանագետներ: