Մարվել է Նանսենի ծննդյան 150-ամյակին նվիրված նամականիշը

Այսօր ՀՀ արտգործնախարարությունում մարվել և շրջանառության մեջ է դրվել ականավոր գիտնական, բևեռախույզ, դիվանագետ, հումանիստ, հայ ժողովրդի մեծ բարեկամ Ֆրիտյոֆ Նանսենի ծննդյան 150-ամյակին նվիրված նամականիշը:

Հայփոստից տեղեկացնում են, որ նամականիշի մարումն իրականացրել են Նորվեգիայի ԱԳ նախարար Յոնաս Գահր Շտյորենը և ՀՀ ԱԳ նախարար Էդվարդ Նալբանդյանը: Մարման պաշտոնական արարողության կազմակերպիչներն էին ՀՀ արտգործնախարարությունը, «Հայփոստ Թրասթ Մենեջմենթ»-ը և «Հայփոստ» ՓԲԸ-ն:

Միջոցառումն անցկացվեց Նորվեգիայի արտաքին քաղաքական գերատեսչության ղեկավարի` Հայաստան պաշտոնական այցի շրջանակներում:

Նամականիշի տեխնիկական բնութագիրը.

Տպարանը` Lowe Martin Group /Կանադա/

Նամականիշների չափը` 35.96x25.73 մմ

Անվանագինը` 350 դր.

Տպաքանակը` 40 000

Հեղինակ` Անի Գևորգյան