Ռոստոմի ծննդյան 150-ամյակին նվիրված երեկո՝ Լիբանանում

ՀՅԴ «Ռոստոմ» կոմիտէն երէկ` հինգշաբթի, 6 ապրիլ 2017-ի, երեկոյեան ժամը 8:00-ին, Հայաշէնի «Սեդրակ Աճէմեան» սրահին մէջ կազմակերպած էր յարգանքի երեկոյ` նուիրուած Հայ յեղափոխական դաշնակցութեան հիմնադիր երրորդութեան կրտսեր անդամ, Դաշնակցութեան հիմնադիր սերունդին մէջ հայութեան ազգային-հոգեմտաւոր ժառանգութեան ամէնէն քաջածանօթ եւ հաղորդ ներկայացուցիչին` Ռոստոմին, անոր ծննդեան 150-ամեակին առիթով:

Լիբանանի եւ Հայաստանի քայլերգներու ունկնդրութենէն ետք բացման խօսքը արտասանեց  Յակոբ Ղազարեան, որ լուսարձակի տակ առաւ Դաշնակցութեան եւ հայութեան կեանքին մէջ Ռոստոմի ունեցած կարեւոր դերակատարութիւնը: Ան շեշտեց, որ Ռոստոմ դաշնակցական անմահացած հերոս է, որ իր յեղափոխական տիպարով իրերայաջորդ սերունդներուն համար եղաւ ազգին ու հայրենիքին նկատմամբ լիարժէք նուիրումի օրինակը, որ յղացաւ, կերտեց ու կազմակերպեց:

Ապա ցուցադրուեցաւ տեսերիզ մը, որուն մէջ լուսարձակի տակ առնուած էր Ռոստոմի կենսագրականը, տարած բեղուն գործունէութիւնն ու ունեցած առանցքային դերակատարութիւնը հայութեան կեանքին մէջ:

Ապա Անի Նալպանտեան եւ Սօսի Սէֆէրեան հանդէս եկան զուգերգներով, իսկ Քրիսթինա Սրապոնեան ասմունքեց Գէորգ Էմինի «Մենք»-ը:

Մանրամասները՝ սկզբնաղբյուրում: