Գյումրու Ֆրիտյոֆ Նանսենի անվան թիվ 2 գիշերօթիկ հաստատության 10 երեխաների եւ 5 աշխատակիցների մոտ կորոնավիրուս է հաստատվել

Գյումրու «Ֆրիտյոֆ Նանսենի անվան երեխաների խնամքի ու պաշտպանության թիվ 2 գիշերօթիկ հաստատության» 10 երեխաների եւ 5 աշխատակիցների մոտ հաստատվել է կորոնավիրուս: Այս մասին NEWS.am-ի հետ զրույցում ասել է աշխատանքի եւ սոցիալական հարցերի նախարարի մամուլի խոսնակ Սոնա Մարտիրոսյանը։

Նա նշել է, որ դեպքերը հիմնականում ասիմպտոմ են, վարակակիրները որեւէ խնդիր չունեն։

«Երեխաներն ու աշխատակիցները հոսպիտալացված չեն, մեկուսացվել են հենց հաստատության ներսում»,- ասել է նա։

Մարտիրոսյանն ասել է, որ հաստատությունում գրանցված է 80 երեխա, բայց այս պահի դրությամբ այնտեղ գիշերում են 21-ը, մյուսները կարանտինային ռեժիմի հայտարարումից հետո տեղափոխվել են կենսաբանական ընտանիքներ: