ՄԱԿ-ում քվեարկության կդրվի Սիրիայի հարցով բանաձեւը

Այս շաբաթվա վերջին ՄԱԿ-ի Անվտանգության խորհրդում հավանորեն քվեարկության կդրվի Սիրիայի հարցով բանաձեւի նախագիծը` չնայած մտավախություն կա, որ Ռուսաստանը կօգտվի վետոյի իր իրավունքից. տեղեկացնում է Reuters գործակալությունը` վկայակոչելով դիվանագիտական աղբյուրներ:

Մեծ Բրիտանիան եւ Ֆրանսիան երեկ ՄԱԿ-ի Անվտանգության խորհրդի քննարկմանն են ներկայացրել Սիրիայի իշխանությունների` հակակառավարական ցույցերի ուժային ճնշումները դատապարտող բանաձեւի նախագիծը: Ավելի վաղ Մեծ Բրիտանիայի արտգործնախարար Դեւիս Քեմերոնը հայտարարել էր, որ բանաձեւով առաջարկվում է պատասխանատվության կանչել խաղաղ բնակիչների դեմ բռնությունների մեղավորներին, նաեւ նախատեսվում է մարդասիրական օգնություն Սիրիայի բնակչությանը:

Ի տարբերություն Ռուսաստանի, հավանորեն նաեւ Չինաստանի ու Հնդկաստանի, ԱՄՆ-ը պատրաստվում է հավանություն տալ բանաձեւին: