ԱՄՆ-ն արդեն ոչինչ չի կարող անել Թեհրանին կանգնեցնելու համար

Իրանը ավելի քան երբեւէ մոտ է միջուկային զենքի ստեղծմանը. կարծիք է հայտնել է ամերիկյան RAND կորպորացիայի հետազոտող Գրեգորի Ջոնսը:

Նրա զեկույցում նշվում է, որ Թեհրանն ուրանի հարստացման ներկայիս տեմպերով կարող է անհրաժեշտ քանակությամբ նյութ ստանալ` մոտակա 8 շաբաթների ընթացքում ատոմային ռումբ ստեղծելու համար:

Հետազոտողը նշում է, որ, չնայած միջուկային ծրագրի զարգացման տարբեր փուլերում անհաջողությունների մասին հայտարարություններին, իրանական վարչակազմը անշեղորեն շարժվում է դեպի ռումբի ստեղծում:

Ըստ Ջոնսի` ԱՄՆ-ն արդեն ոչինչ չի կարող անել Թեհրանին կանգնեցնելու համար` չհաշված ռազմական օկուպացումը, քանի որ օդային հարվածներն էլ արդեն չեն փրկի: Նա ընդգծում է, որ իրականությունը, ցավոք, այն է, որ ԱՄՆ-ը եւ Իսրայելը չկարողացան Իրանին հետ պահել միջուկային ռումբի ստեղծումից:

Հետազոտողն իր զեկույցը կազմել է Ատոմային էներգիայի միջազգային գործակալության` երկու շաբաթ առաջ հրապարակած եզրակացությունների վրա. տեղեկացնում է mignews.com-ը: