Վաշինգտոնը գործիքներ ունի «Հյուսիսային հոսք-2»-ը կանգնեցնելու համար. ԵՄ-ում ԱՄՆ դեսպան

Վաշինգտոնը միջոցներ ունի «Հյուսիսային հոսք-2» նախագիծը սառեցնելու համար: Այդ մասին հայտարարել է ԵՄ-ում ԱՄՆ դեսպան Գորդոն Սոնդլենդը. հայտնում է РИА Новости-ն:

Նրա խոսքով` գազամուղի նախագիծը խոցելի կդարձնի Եվրոպան, հետևաբար` նաև ԱՄՆ-ը: «Մենք չենք ցանկանում, որ ձմռանը գազն անջատեն ճգնաժամի պատճառով»,- ասել է նա Բրյուսելում ելույթ ունենալիս:

«Եթե ԵՄ-ն չհասկանա այդ տրամաբանությունը, ապա ԱՄՆ նախագահը կարող է իր տրամադրության տակ գտնվող շատ գործիքներ օգտագործել այդ նախագիծը կանգնեցնելու համար»,- հավելել է  դեսպանը:

Հիշեցնենք, որ «Հյուսիսային հոսք-2»-ը ենթադրում է գազամուղի կառուցում ՌԴ-ից Բալթիկ ծովով մինչև Գերմանիա: