Իրանում հերքել են Reuters-ի տեղեկությունը, թե Թրամփն ուղերձ է փոխանցել Թեհրանին

Թեհրանում հերքում են  Reuters-ի այն տեղեկությունը, թե ԱՄՆ-ն  ամերիկյան անօդաչուն խոցելուց հետո Օմանի միջոցով ուղերձ է փոխանցել երկրին: Այդ մասին ասել է Իրանի ազգային անվտանգության բարձրագույն խորհրդի ներկայացուցիչ Քեյվան Խոսրավին. հայտնում է РИА Новости-ն:

«ԱՄՆ-ը Օմանի միջոցով ոչ մի ուղերձ չի փոխանցել»,- ասել է Խոսրավին IRIB-ի հետ զրույցում:

Ավելի վաղ Reuters--ը հայտնել էր, թե Իրանն այս գիշեր Օմանի միջոցով Թրամփից նախազգուշացնող ուղերձ է ստացել գրոհի մասին: Թեհրանին սահմանափակ ժամանակ է տրվել պատասխանի համար:

«Իր ուղերձում Թրամփը հայտարարել է, որ դեմ է Իրանի հետ պատերազմին և ցանկանում է բանակցել տարբեր հարցերի շուրջ… Նա ժամանակ է տվել` մեր պատասխանը ստանալու համար: Իրանի անհապաղ պատասխանն այն էր, որ այդ հարցով որոշում կկայացնի հոգևոր առաջնորդ Ալի Խամենեին»,- ասել էր անանուն մնալ ցանկացող աղբյուրը: