Բենզինը` թմրանյութ

Այսօր ԱԺ-կառավարություն հարցուպատասխանի ընթացքում «Ժառանգություն» խմբակցության քարտուղար Լարիսա Ալավերդյանը խոսեց Հայաստանի քրեակատարողական հիմնարկներում մահացության թվի աճի ու հիմնարկների գերբեռնվածության մասին:

Ի պատասխան` արդարադատության նախարար Հրայր Թովմասյանը նշեց, որ պետք է ուրախ լինել, որ քրեակատարողական հիմնարկներում վերջին երեք տարում սպանություններ չեն կատարվել:

«Այդ մահացությունների մի մասը պայմանավորված է մի հիվանդության հետ, որը պետք է հնչեցնել` թմրամոլության մի տեսակ, որը ձեռք է բերվում բենզինի եւ որոշակի այլ նյութերի խառնուրդով։ Այսինքն` իրականում այսօր բենզինը կատարում է թմրանյութի դեր, եւ այդ խնդիրը կա»,- ասաց նա: