Բենզինը, որպես թմրամիջոց, օգտագործած տղամարդը մահացել է

Դեռևս մարտի 12-ին հիվանդանոցից ոստիկանության Վանաձորի բաժնում հաղորդում էր ստացվել, որ Նարեկացու փողոցի տներից  մեկից թունավորումով բուժօգնության է տեղափոխվել 1972 թ. ծնված Ղարիբ Մխիթարյանը:

Մեկնած օպերատիվ  խմբին նա հայտնել էր, որ թունավորվել է բենզինից տնայնագործական եղանակով թմրամիջոց պատրաստելու և գործածելու հետևանքով. հայտնում են ոստիկանությունից:

Մարտի 16-ին` ժամը 09.10-ին,  հիվանդանոցից ոստիկանությունում կրկին հաղորդում է ստացվել, որ գիշերը` ժամը 02.00-ի սահմաններում, «մարմնի ինտոկսիկացիա» ախտորոշմամբ, Ղ. Մխիթարյանը հիվանդանոցում մահացել է:

Հանգամանքները պարզվում են: Կատարվում է նախաքննություն: