Բանաձեւ կընդունվի

Այսօր Եվրախորհրդարանի օրակարգի գլխավոր թեման իրադրությունն է Սիրիայում, Բահրեյնում եւ Եմենում: Քննարկումների արդյունքում բանաձեւ է ընդունվելու:

«Այդ երկրներում հակամարտությունների հետագա զարգացումը կապակայունացնի իրադրությունն ամբողջ Մերձավոր Արեւելքում: Խորհրդարանականները մտադիր են  կոչ անել Եվրահանձնաժողովին` քաղաքական աջակցություն ցուցաբերել այդ տարածաշրջանի ժողովրդավարական շարժումներին»,- ԻՏԱՌ-ՏԱՍՍ-ին հայտնել է ԵՄ բարձրագույն օրենսդիր մարմնի պաշտոնական ներկայացուցիչը:

Իր հերթին, ԵՄ արտաքին գործերի եւ անվտանգության քաղաքականության գերագույն հանձնակատար Քեթրին Էշթոնը Եվրախորհրդարանին ուղղված պաշտոնական ուղերձում ընդգծել է, որ «Եվրոպայում առանձնահատուկ տագնապ է առաջացնում Սիրիայի իրավիճակը»: Նրա կարծիքով` երկրում նախատեսված քաղաքական բարեփոխումների ծրագիրը «շատ մշուշոտ է, առանց հավակնոտ նպատակների»: