Կառավարության ծրագիրը կընդունվի մեծամասնությամբ

Ազգային Ժողովում կառավարության ծրագրի քննարկումը մոտեցավ իր տրամաբանական ավարտին: Խմբակցության անունից ելույթներն ավարտվեցին, այժմ կենտրոնական ամբիոնի մոտ է Նիկոլ Փաշինյանը:

«Բարգավաճ Հայաստան» խմբակցության անունից ելույթ ունեցավ Նաիրա Զոհրաբյանն ու ասաց, որ եթե կառավարությունն ականջալուր լինի իրենց առաջարկներին, ապա իրենք կաջակցեն կառավարության ներկայացրած ծրագրին: «Բայց եթե կառավարության ներկայացուցիչները մեր առաջարկները չներառեն ծրագրում, ապա, միանշանակ, դեմ են քվեարկելու: Սակայն ուզում եմ ասել, որ անկախ հանգամանքից` կառավարության ծրագիրը կըննդունվի, թե ոչ, մենք շարունակելու ենք մեր անվերապահ աջակցությունը հայտնել կառավարությանը` իրականացնելու տնտեսական հեղափոխության»,- ընդգծեց Զոհրաբյանը:

«Լուսավոր Հայաստան» խմբակցության անունից ելույթ ունեցավ խմբակցության ղեկավար Էդմոն Մարուքյանը: Նա նշեց, թե ծրագիրը չի արտահայտում իրենց պատկերացումները, հետևաբար իրենք դեմ են քվեարկելու:

«Իմ քայլը» խմբակցությունը, խմբակցության ղեկավար Լիլիթ Մակունցի փոխանցմամբ, միաձայն կողմ է քվեարկելու` անվերապահորեն աջակցելու կառավարության գործունեությանը: