Սփյուռքի նախարարն էլ ամփոփեց տարին

«2010թ.-ը կարելի է բնորոշել, որպես Սփյուռքի հիմնախնդիրներին անդրադարձի, հաստատման, վստահության ավելացման տարի: Սփյուռքը դարձել է հավերժ ներկայություն Հայաստանի համար: Ընդլայնվել են մեր ապերը սփյուռքյան կառույցների հետ»,- ասաց ՀՀ Սփյուռքի նախարար Հրանուշ Հակոբյանը` ամփոփելով 2010 թվականը:

Նախարարը տեղեկացրեց, որ նախարարությունը 1000-ից ավելի միջոցառումներ է կազմակերպել` Հայաստանում եւ սփյուռքում:  Հրանուշ Հակոբյանը կարեւորեց հատկապես նախարարության կազմակերպած «Մեր Մեծերը», «Արի տուն»  ծրագիրը,լրագրողների համահայկական համաժողովը, շախմատի օլիմպիադան եւ այլն:

Նախարարը տեղեկացրեց նաեւ, որ մշակվել եւ կառավարությանն հավանությանն է արժանացել «Հայրենադարձության գործընթացի կազմակերպման հայեցակարգի նախագիծը նախագիծը, իսկ «Հայրենադարձության մասին» օրենքը լրամշակման փուլում է:

Նախարարի ասուլիսին տեսակամուրջով հետեւելու հնարավորություն եւ հարցեր ուղղելու հնարավորություն  ունեին նաեւ սփյուռքյան մի շարք լրատվամիջոցներ: